張馳豪新歌獲媒體推薦

張馳豪(Aska)剛推出了全新單曲《宇宙逃生口》，獲得媒體一致推薦，不單止打進了各大排行榜，包括商台叱咤榜、香港電台中文歌曲龍虎榜，於今個星期更成為了新城電台勁爆本地榜冠軍。當Aska知道《宇宙逃生口》有此佳績時表示非常感謝大家的支持，他同時表示：“今次《宇宙逃生口》可以攞到好成績，我十分之開心，呢一首歌又係玩咗一啲平時廣東歌好少聽到嘅曲風，可以將我平時聽開嘅音樂類型變成自己嘅創作，再分享畀我嘅樂迷，係我作為一個唱作人好享受嘅事。”

除獲得媒體推薦外，Aska同時也得到粉絲們的應援支持。之前粉絲們便曾在旺角的大型billboard、巴士站燈箱和巴士車身賣廣告，近期更租用了金鐘地鐵站內，靠近前往南港島線，左右兩傍的連續多塊廣告牌為Aska助威。Aska說：“每次見到粉絲對我的支持真的既開心又感動，所以昨天我特別嚟到金鐘站呢度打卡，其實我係有啲感觸嘅，因為我嘅粉絲真係對我好好。這班粉絲有好多都好似我嘅屋企人咁，不離不棄，見證住我一步一步嘅成長。”