《我愛九龍城》開拍

陳家樂獲妻女探班興奮

HOYTV原創劇《我愛九龍城》正式開拍，一眾演員包括岑麗香、陳家樂、敖嘉年、姚樂怡、泰臣、李尚正、古明華、李麗霞（黑妹）等，於九龍城拍攝一場為香香劇中角色慶祝生日，期間陳家樂向香香求婚的戲份。而最驚喜的是，劇組特別為日前四十歲生日的香香，送上生日蛋糕補祝生日，令香香非常感動。

拍攝現場所見，陳家樂老婆連詩雅帶同囡囡來探班，見到愛女，陳家樂精神立時為之一振，可謂越夜越精神。說到向香香求婚的戲份，家樂笑言沒有回想起當年向老婆連詩雅求婚的片段：“因為劇中呢一個角色，向香香求婚嘅時候，只係理自己有幾開心，根本就冇顧及對方感受，我一定唔係咁囉。”

以為人媽咪的姚樂怡，首場戲就要和一個十個月大的BB拍攝，她坦然覺得心很累：“個BB係咁喊，見到我好似見到啲拐子婆咁，雖然係咁，但見到佢咁可愛，即刻諗起我囡囡細個嘅時候個樣，都好sweet。其實我個囡好黐我，連瞓覺都一齊，呢排唯有黐住爸爸先囉，之後補返數。”

另外，黑妹李麗霞驚喜客串，她表示近年甚少參與幕前演出，所以對於這次的體驗亦感到非常開心。她說：“我覺得我今次係皮膚取勝，因為我膚色好似泰妹，所以喺度覺得好有親切感，但係如果拍劇嘅話，客串就ok，因為我已經捱唔到夜喇。”

另一位“泰妹”妹頭就表示來到九龍城，感覺很強烈，因為這裏有很多泰國人及泰國舖頭，感覺猶如身在泰國一樣。李尚正則透露，今次自己的角色是非常重要：“因為我今次係做棺材舖太子爺，所以陳家樂一家人，有咩‘冬瓜豆腐’，都係我包辦，咁我係咪好重要先。”