林盛斌節目中分享心底話

林盛斌(Bob)與蔡思貝前日出席台慶綜藝節目《與天地對話》記者會，節目除了林盛斌與蔡思貝外，還有姜皓文及余文樂兩位嘉賓。蔡思貝與林盛斌分別前往中東也門及澳洲大堡礁，雖然昨日二人未有出席記者會，但也有以視像形式分享拍攝感受。節目更邀得鍾鎮濤為節目題字及聲音導航，張家誠則為節目擔任配樂。

阿Bob今次前往澳洲北嶺地紅土地區拍攝，他笑言返來最大感觸是要減肥，因為肥到雙下巴遮住條頸。又形容今次的旅程似心理治療工作室，因為自己成世人都未試過同自己對話，對住天地講返自己錯過的一些人和事，掛住搵錢到頭來又有何意義？所以完成旅程後他都有同經理人講，工作盡量不要安排在星期日。

思貝則走訪也門嘅索科特拉島拍攝，她表示今次最艱苦並不是上山下海的體能問題，反而是與自己對話最辛苦，因為要對住鏡頭講出自己心底話。思貝表示：“我哋四個藝人都有同一待遇，就係自己對住三部攝影機講話，完全無工作人員在場，面對鏡頭講嘢都好緊張，好彩之後監製及工作人員慢慢引導我去講說話。”