張運兒試做店長身兼多職

新人歌手張運兒(Yoona)日前到咖啡屋擔任一日店長，由於店舖內還設有小賣部，所以Yoona當日身兼多職。Yoona分享道：“我在樓面、小賣部同埋廚房試咗唔同崗位，仲試整咗雞尾酒同埋甜品。我以前係未整過任何雞尾酒，今次係第一次。”Yoona在學習製作時份外留心，樂於嘗試一些小技巧，做起來有板有眼，得到咖啡屋老闆的嘉許。

除了擔任一日店長外，Yoona亦在餐廳中獻唱，除了唱出自己今年推出的兩首新歌外，亦自彈自唱其他歌手的作品。Yoona特別將歌曲重新編曲，為歌曲帶來不一樣的新鮮感。

今次算是Yoona首次跟粉絲見面，她笑言在這個場合相遇很有趣。她說：“我可以用店長嘅身份服務我嘅粉絲，期間又可以同大家傾吓偈、影吓相。不過我幫手出菜嘅時候都有少少緊張，但大家超包容我，所以好近距離接觸我嘅粉絲，完全感覺到佢哋好支持我嘅感覺。唱歌嘅時候，大家又會靜心欣賞，有時又會畀feedback我，所以今次嘅經歷係好開心。”