《巾幗》收視近廿五點

黎耀祥一額汗：驚唔過二十點

前日，黎耀祥、胡定欣、蕭正楠、陳曉華及羅天宇等，亮相荃灣出席台慶劇《巾幗梟雄之懸崖》宣傳活動，祥仔與定欣坐黃包車出場，而羅天宇及蕭正楠在玩遊戲時更做車伕拉車。台上公佈該劇首播七日跨平台收視廿四點八點、首播觀眾一百六十一萬以及黃金時段收視冠軍，成績理想。

提到劇情，祥仔透露會愈來愈濃烈，因為之後兩人的壓力會增多，會有日本侵華及軍閥等場面，而他與定欣更有一場瞓棺材的戲。已不是第一次瞓棺材的定欣表示不介意，因為有利是收，而今次雖然棺材空間細，但並不是真的蓋住，所以不算很辛苦。

祥仔與定欣齊聲表示滿意收視，祥仔說：“生意難做，幾驚得十幾點，而家唔係以前咁嘅時勢，多謝大家捧場，希望收視能夠繼續保持。”定欣稱嫲嫲也有捧場：“幾日前同嫲嫲食飯，平時嫲嫲九點就瞓覺，佢專誠食完晚餐睡一陣後再起身睇劇，令我好開心。見佢開心自己都安慰，可能近期少民初劇，啱佢口味，畫面上中晒。”

陳曉華笑言自己是劇中最悠閒的人，因為不用打，不過她反而想拍打戲。提到劇中與羅天宇玩風的戲份，現實中可會約男仔去玩？她笑言若一個男人不夠：“要幾個，重啲唔會咁易畀風吹走。”她又作呷醋狀，指羅天宇在劇中並非只跟自己玩風，和陳楨怡也有玩風。問她遇過的男仔是否也會用同一招追女仔，她說：“無論如何都會，其實我都會，我識朋友嘅開場白都差唔多。”至於是否會跟緋聞男友朱敏瀚（朱仔）玩風，她避談：“唔玩，我獨立女性嚟！”

朱仔與周嘉洛及張振朗有一個“救救朱敏瀚”手機群組，是對朱仔給予衣着意見，陳曉華是否也有要求過加入群組？她笑言沒有亦不會要求，因自己也想有人幫。朱仔打算讓好友陳瀅和JW王灝兒加入，陳曉華贊同：“梗係Perfect啦，佢哋有Fashion sense，（佢哋成日炒車？）點會呀，佢哋嘅style唔係嗰啲穩陣型，係型格。”