文明睇波忌惹事端

甲組七人足球賽進行得如火如荼。鮑思高球場上演的小球比賽，一向屬本地氣氛最好的比賽之一，尤其觀眾席與比賽距離相當接近，無論場內球隊溝通，抑或場外球迷高談闊論，現場都聽得一清二楚。

球場細觀眾席近，好處能夠令比賽氣氛更熱烈。但觀眾席太近亦並非全屬好事。一方面球迷坐得太近容易“食波餅”，比賽期間面對球員解圍，經常出現球迷左閃右避的場面，球迷在觀眾席打“閃避球”，場面雖然有趣，若然剛好有年幼球迷睇波，“食波餅”就難免受傷。

不少球迷喜歡在現場講波經，討論比賽形勢屬正常之事。但有不少球迷遇上不滿球證判決，又或雙方球員發生爭執，便會加入戰團與場內球隊對罵，情況屢見不鮮。對罵內容不時夾雜粗言穢語，加劇比賽雙方火藥味，對入場的其他觀眾尤其年幼球迷，影響很不好。

賈某明白睇波講求氣氛，球迷可能一時情緒激動衝口而出，但大家一齊入場睇波，應要考慮他人感受，切忌一時口快生事端。

賈大廚