關心妍母女檔為慈善開唱

關心妍(Jade)日前於天津舉行《關心妍SHiNE妍亮生命》公益演唱會，為內地“和平之君兒童福利院”籌款，全場爆滿。Jade登場時深受樂迷歡迎，一連唱出《你有心》、《愛是不保留》、《我太強》等金曲。Jade表示呢次個唱別具意義，廣東歌亦能打動全場歌迷：“其實我一直都係大灣區做巡唱，終於可以見到北方嘅歌迷，佢哋都好熱情，整咗好多禮物畀我哋。”

關心妍的演唱會例必邀請愛女做嘉賓，這次女兒心心亦有“快閃”參與，關心妍表示“其實七月佢陪我嚟過天津福利院做探訪，見過呢度腦癱瘓、唐氏綜合症嘅小朋友，佢一直都好期待為大家做啲嘢，今次比起我個人演唱會更有意義，佢更畀心機去練歌。”

為了這次演出，心心更需趕航班出席個唱：“星期五放學就要趕飛機，喺飛機度要做晒功課，嚟到更要彩排，短短三日就急急腳回香港返學。見到佢都好生性，後台搵地方溫默書，不過佢覺得辛苦都值得，同啲小朋友再見面佢都覺得好開心。”