黃智雯冀與新公司同門合作

黃智雯(Mandy)去年宣佈離開效力十六年的舊東家，並與戀愛十一年的圈外男友結婚，在公在私都來個大改變。日前Mandy現身HoyTV，接受主播俞詠文(Angela)訪問暢談近況，對於離巢及結婚同年發生，Mandy表示純粹巧合。

因為回復自由身，Mandy表示可以安排自己做想做的事情，例如與培幼會去尼泊爾探訪。其中最令她印象深刻的就是“童婚”，她們很多十五、十六歲就要被逼結婚，當地嚴重貧富懸殊，對像都是一些地位比較高的社會階層。

雖然身處貧窮的國家，但係黃智雯好欣賞他們的知足：“當地嘅女仔好鍾意跳舞，一着上一啲好靚嘅跳舞服裝，佢哋就會好投入，雖然佢哋物質上唔會好富裕，但係從佢哋嘅笑容，同埋跳舞時候嘅滿足感，原來我都可以為佢哋帶嚟開心，同埋佢哋係好積極面對困難同艱苦。”

談到未來的工作，黃智雯表示很想嘗試一些新事物：“希望可以嘗試一啲新嘅角色，同唔同嘅團隊合作，當然好希望同新公司嘅兄弟姊妹合作啦！其實我同朱茵、蔡少芬都冇合作過，又或者可以同阿Paul黃貫中做下音樂上嘅交流都好唔錯。”