相隔八年再開騷

黎瑞恩與女兒唱跳掀高潮

一連兩場的黎瑞恩《VUnion恩賞 · 演唱會2024》，於十月十九日在西九文化區戲曲中心大劇院揭幕。甫開場，黎瑞恩以《發誓》一曲跟大家打招呼，歡呼聲隨即四起，令她感動地表示：“我想喊 ，我要冷靜一下先！”

穿上一襲華麗白色長裙的黎瑞恩以一連串金曲開場，之後興奮地跟大家説：“有八年無見了？你哋過成點啊？我過得好好。今次演唱會場地只有兩日時間，所以製作團隊今朝一早先入台，開騷前一日沒有場地總彩排，我都係今日先踏足舞台，如果有做得唔好嘅地方，請大家多多包涵！有無人二○○二年有睇我演唱會？有二十二年歷史了，今晚一齊懷緬過去。”

其後黎瑞恩換上黑金長袍，要特別多謝服裝總監陳華國特別在北京訂製這套大戲服裝，裁縫師傅用了兩個月的時間刺繡。黎瑞恩說：“當我知道喺戲曲中心開演唱會，我專程揀咗《紅棉》呢首歌，好襯戲曲中心呢個地方。仲要多謝音樂總監杜自持，邀請到著名洞蕭演奏家譚寶碩表演，非常難得！”黎瑞恩、譚寶碩老師和杜自持，為觀眾獻上《紅棉》、《鮮花滿月樓》和《啼笑姻緣》，中西音樂合璧，為觀眾帶來聽覺享受。

其後，黎瑞恩和女兒Sheree以孖妹形象驚喜現身，伴隨超過二十位舞蹈員，以啦啦隊服裝唱跳《心急人上》和《美少女戰士》，掀起全晚高潮！兩母女合拍程度爆燈，黎瑞恩緊接繼續唱跳《自動消失》和《陽光路上》，落力演出贏盡全場掌聲。來到安哥環節，黎瑞恩唱出歌迷點唱的歌曲，《問候》、《一見如故》、《愛情》等，最後唱出《認真》作結尾，再次感謝樂迷多年來的不離不棄，令她過了一個感動的晚上。