身長一米八蜥蜴最搶鏡

陳健安自動過濾懶理批評

唱作歌手陳健安（安仔）今年第四首主打歌《我違和但我不糾正》MV上架，他邀請六位好朋友助陣拍攝MV。其中好友Gary帶來身長一米八的大蜥蜴成為全場焦點，台前幕後爭相摸摸和合照。

新歌創作班底由謝芊彤作曲、Oscar填詞，賴映彤編曲，並與安仔一同監製。安仔說：“呢首歌講一啲人喺生活上，做一啲自己覺得開心、快樂嘅事情，但身邊有好多不同嘅反對聲音。”他表示可能遇過，但因他自帶“過濾器”，對反對聲充耳不聞。他說：“無論做歌手又或者二十年前開始玩花式足球，可能就係因為我嘅性格，我會block咗嗰啲阻止我或者反對我嘅人和說話，我唔記得佢哋講過乜，但我依家過得好開心。”

受安仔邀請而來的六位好友，他們都在做自己好喜歡的事，但背後都經歷過被反對，覺得他們有違和感。首先與安仔做對手戲是嬌小玲瓏的楊雅文(Thaimay)，她十年前瞞着家人拜師學舞獅，即使經常被取笑手無縛雞之力，連家人亦怕她受傷而反對，但她仍然堅持。另一位是女團HotCha成員張惠雅，安仔笑說：““張惠雅成個人生都好違和，原本唱歌跳舞，無端端喺長洲開餐廳做廚師，最近在葵涌做到會，又無端端一個人去西藏旅行。”張惠雅表示全部都是她的興趣，賺到錢就出歌，繼續追夢，雖然生活艱難但過得開心滿足。

而MV拍攝現場最搶鏡是一條一米八長的大蜥蜴，安仔說：“Gary係我嘅健身教練，佢八歲開始養爬蟲類，今日帶咗佢嘅寶貝Black Dragon嚟一齊拍攝。另一位係呢首歌嘅作曲人芊彤，佢好細個開始音樂創作，過程經歷唔少反對聲音，但一直堅持。仲有由三個男仔組成嘅Freeeboyzzzz，佢哋喺網上拍一啲意識流嘅片，紀錄開心嘅事情。至於EKEE本身係電台DJ，之後去夾Band和做咗魔法師。”