李玗蓁：角色被討厭係鼓勵

ViuTV原創劇《十七年命運週期》不但有廖子妤、楊樂文(Lokman)、陳健朗、李敏等主演，亦起用不少新演員孭飛，除了有分別飾演李敏與廖子妤年輕版的陳書昕及張可欣外，還有飾演陳書昕“衰家姐”Rosalyn的李玗蓁(Viann)。廿一歲的李玗蓁，是余香凝、廖子妤的同門師妹，模特兒出身的她，過往曾客串演出劇集《和解在後》及電影《深宵閃避球》。今次飾演“衰家姐”Rosalyn嶄露頭角，角色被觀眾鬧爆，李玗蓁指：“ 接到劇本時，沒擔心角色不討好，反而覺得有發揮空間， 是一個挑戰。身為演員，因為飾演唔討好嘅角色而被觀眾討厭，都係一種肯定。”

有否就角色問師姐廖子妤及余香凝意見？李玗蓁說未有機會：“同Fish雖然係同一套劇，但沒有同場，可惜沒有合作機會， 喺片場亦冇見過面。”提到今次拍攝的深刻場面，李玗蓁直言難忘拍攝喊戲：“有場戲係我向爸爸坦白自己設計害阿妹，嗰場戲由忐忑內疚不解同不甘，之後轉變做委屈同埋悔恨，好多唔同層次嘅情緒變化，比較複雜，同時轉變得又好快，現場拍咗幾個唔同嘅版本出嚟，喊到最後唔夠水份，淨係得眼水係眼眶打轉，感覺比較有挑戰性。”