拍拖經驗少拒玩機動遊戲

菊梓喬認與吳保錡少聯絡

前日，菊梓喬(Hana)和鄭俊弘(Fred)出席慈善籌款活動，近日與吳保錡緋聞傳得正盛的Hana，被問到感情問題時，透露最與保錡近日少了聯絡。抱恙出席活動的Hana說，坐了一個多小時車程到將軍澳出席活動，因開得快似海盜船，令她差點暈低。

Hana稱從來不玩機動遊戲：“咖啡杯都唔得，比較冇用，去主題樂園都係夾公仔。”她笑言自己一把年紀，相信不會再有人約她到遊樂場玩，又稱拍拖經驗少，不是很知道拍拖約會應該要做甚麼。說到可以跑步拍拖，她認同跑步有益：“不過我就未開始跑，因為要好認真，唔係落街行兩個圈就得，都要有個原因先去跑（熱身未？）冇啊，未跑步點解要熱身啊，（要等啲咩？）等我有個原因先。”記者提議她可去大埔區跑，Hana反問：“點解要去咁遠？（就你荃灣跑？）我樓下勁多男仔除晒衫跑。”

談到與吳保錡的感情進展，Hana答非所問：“我嘅病情冇乜進展，因為搵唔到中醫。”之後就說不想回應感情問題，又稱最近與保錡都比較少聯絡，因為要閉關默默寫歌，也少了玩社交平台。

同場的鄭俊弘透露患有“天使綜合症”的兒子，近日病情有進步，感覺有奇蹟出現。他說：“佢日日都有做唔同治療，最近開始識得爬及可以扶住企起身，係一個好大進步，見到兒子進步，令我見到希望，冇初時咁絕望，而家好多事情都會放手，讓兒子他自己去做。”

他透露月底將會與太太帶兒子到美國出席一個關於“天使綜合症”的講座：“因為嗰個講座集合咗好多科學家，同埋醫生，邀請我哋呢啲天使綜合症家庭，去聽最新資訊，到時我媽媽會由加拿大飛過去會合我們，之後我哋都會返去加拿大探家人。”