裕美拒嫁林作：佢要我養佢

裕美昨日接受新城訪問，卻遲大到接近四十五分鐘，解釋要搵錢跑數，因工作延誤時間。談到不答應林作求婚，她說：“接受會好辛苦，佢養我唔到，仲要我養佢。仲話不嬲唔鍾意養女人，林作阿媽最開心聽到阿仔講呢句。我同佢一齊佢已咁講，我預咗。佢唔明白結婚點解要老公養老婆嘅文化。”

裕美認為結婚與否不重要，最緊要開心，又指林作從來都不浪漫，亦從沒給過她金錢，反而還向她賒數。被問為何不“飛甩”林作，裕美笑指因林作“唔好樣”能給予安全感：“佢好悶，唔出去玩，透明度高，反而我出去工作成日，佢話好寂寞，佢比較似女人。”她表示與林作一起已六年，沒時間另找對象，笑稱看看明年七年之癢會否出新歌《分手快樂》。

此外，她宣傳新出的日本歌《幸福的顏色》，歌曲是送給失散多年再重聚的日籍爸爸，自資約三十萬元，聘請日本製作團隊及十四位小提琴手製作歌曲。再唱歌有否考慮參加《中年好聲音》？她說沒這打算。