肥媽入院通波仔

近日心肌痛不適的肥媽(Maria Cordero)，於昨日入醫院進行“通波仔”手術。而在動手術前，躺於病床上的肥媽拍下短片，並於社交平台留言：“要同大家講聲唔好意思，因為身體有啲唔舒服，陣間要做手術，所以嚟緊呢兩星期的Live都要暫停，等我休息吓，謝謝大家。”

肥媽動手術前仍相當精神，她在短片中講述自己病況：“今日入醫院喇，依家十點幾，晏啲通波仔啫，我有心臟梗塞，有一日心肌痛，痛到好緊要，出晒汗暈呀，再度血壓好高、氧氣好低，咁就入嚟啦，依家醫生話要做手術，大家唔好擔心。”肥媽指自己拍片是想告訴大家，未來兩星期所有網上Live節目均要暫停，她應承觀眾會盡快康復：“我好返先好冇？我做完手術，唞吓先，然後再同大家見面，唔好意思！”