江嘉敏自嘲：拍拖要先減肚腩

昨日，江嘉敏與朱智賢亮相義工探訪活動。朱智賢雖已離開TVB，但全程與前同事江嘉敏雞啄唔斷，更互相取笑對方。朱朱見江嘉敏有點發福圓潤，多了個面珠仔好可愛，即摸着對方肚皮問有否好消息公佈，江嘉敏笑答她“個肚”已經跟了她五年。問她經常收花不是已有位固定男友，她說：“我冇男朋友，成日收花只係多朋友，送花嘅亦唔一定係男仔。”現拍完劇便有時間去揀男朋友？她笑說：“個肚跟咗我五年，要減一減先，要努力keep fit！”

朱智賢笑說：“好開心，佢好嘈好大聲，我真係比下去，不過嘉敏姐係氣氛搞手，我哋都只係兩三個月冇見！”江嘉敏取笑朱朱五十步笑百步：“好意思話人嘈，不過我哋都經常一齊做義工展現愛心，上次見到面就一齊食飯，但朱姐好難約。”朱朱說：“今日輪到嘉敏姐好忙冇時間食飯啦！”江嘉敏解釋之前一直在深圳拍新劇《金色森林》，回港仍要埋尾。朱朱男友謝東閔爆其香閨好亂不執屋，並已同居一年，有冇考慮結婚？江嘉敏即連聲恭喜，朱朱口窒說：“我哋冇同居，我自己住㗎！”