陳浚霆古佩玲情侶檔搵真銀

處境劇《愛 · 回家之開心速遞》演員陳浚霆與古佩玲，昨日二人首次以“風神CP”出席新車活動賺外快、搵真銀，全程儼如真正情侶般去試新車，不時對望又翹到實。而陳浚霆亦訂了該新車做準車主，他笑指酬勞只夠畀訂金而已，所以要繼續密密接工作。陳浚霆期待揸新車的一刻，並承諾一拿到車會揸返工，等古佩玲收工接載她。但公司附近環境不夠浪漫，會否接送回家更浪漫？他即笑說：“我哋每日都已經‘愛回家’啦！”

於中秋翌日生日的古佩玲，因不知生日當天是否要開工，故沒特別約朋友慶祝，只跟愛犬於家中共度。陳浚霆亦表心意，正籌備飯局為她補祝生日，更表示也收到她中秋送的蛋黃酥，不論賣相、餡料和味道都好，似她一樣內外兼備，所以也準備好生日禮物作回禮。而陳浚霆剛拍完劇集《金式森林》歸隊《愛 · 回家》，正打算去跪求珍姐曾勵珍和監製多加“風神CP”這條感情線，希望感情會有進展。到時應要拍親熱戲？二人表示之前已拍了一場“意外”親吻的浪漫戲份，古佩玲笑言獻出了《愛 · 回家》的第一次，陳浚霆亦笑說：“我就獻出咗熒幕第一次，本來係要我獻畀群姐，後來至改為畀咗佢！”