黃劍文與愛貓合拍海報

黃劍文昨日在記者會宣佈，將於十月二十二日舉行《Stand By Kimman演唱會》。記者會吸引半百歌迷到場，黃劍文即場唱出多首歌曲送給歌迷，引來現場尖叫聲不斷。

他自言追夢十六年，參加比賽已經八年，當收到舉行演唱會消息一刻感覺很夢幻。他表示：“雖然呢八年一度想放棄，幸好遇上《中年好聲音2》，令大家認識我，係你哋畀我嘅力量，令我每個演出都盡力做足一百分。”

問到會否邀請好友周慧敏擔任演唱會嘉賓，他說：“因為佢而家做緊巡迴演唱會，未有機會問，等佢完成之後會嘗試問吓，我好多謝佢一直都好支持我，叫我不斷去嘗試，之前仲邀請我做佢演唱會嘉賓，所以我今日一出場唱嘅第一首歌，都揀咗佢寫畀我嘅歌。”

除了開心可以開演唱會外，最值得高興的是，今次宣傳海報還可以與家中兩隻愛貓細粒及Omega一起拍攝，“好開心，Omega平時都出好多街，我會帶佢去沙灘，平時出街都好淡定，雖然拍攝當日都好乖，但因為影相時要不斷抱上身，最後佢都嬲咗我，唔睬我！”