蔡思韵劉俊謙情侶檔拍廣告

蔡思韵(Ceci)和劉俊謙繼合作快將上映的新片《武替道》後，兩人再度合體，以情侶檔為飲食平台拍攝廣告。是次廣告片由朱祖兒執導，希望將兩人溫馨甜蜜的一面，透過廣告拍出來，帶出如何“過好生活”。

對於阿謙和Ceci的演出，朱祖兒讚不絕口：“我真係半夜三更講故仔游說佢兩個經理人，畀佢地合體拍呢條好長嘅廣告。我拍咗劉俊謙兩次，今次第一次拍Ceci，過程中，Ceci真係非一般好，理解力強，認真同聰明；佢哋兩個合體拍電影唔奇，但拍廣告就好難得，雖然拍嘅時間表超緊逼，不過亦好過癮。拍完之後我真係好鍾意條廣告片，愛不釋手，一剪就八條！”朱祖兒又感恩說：“我會歸功於兩位演員嘅能力，佢哋每鏡可以一兩個takes搞得掂收貨，但之後想搵啲蝦碌鏡頭就欠奉，因為無NG！兩個都係少有嘅超班好演員，極專業，會消化故事同人物關係，雖然廣告相比電影會較輕鬆簡單，但我睇得出Ceci好認真咁去捉摸對白嘅語氣，我特別中意佢嘅眼神，細緻入型，同阿謙一樣一埋位就上身咁，好清楚知道要點演釋，超出我預期中嘅更好！我真係好彩，每次拍都搵到最好嘅演員。”