返母校關懷學生情緒

古天樂開金口唱飲歌

前日，古天樂率領香港演藝人協會一眾理事，包括副會長錢嘉樂、張繼聰、周家怡、小肥、岑珈其、游學修、趙善恆、J.Arie舉行了一場《PAG巡校遊：放飛EMO的拼勁》，並以古天樂母校迦密中學作為第一站，貼身關顧學生情緒問題，“大師兄”古天樂更為學弟學妹開金口獻唱經典歌曲《男朋友》，掀起活動高潮。

難得古天樂重返母校，前迦密中學校長（古天樂就讀時的校長）亦專誠拍片，感激他對母校的支持。與古天樂同屆同學分享讀書時趣事，指公認是型男的古天樂，原來中學時只是“第二靚仔”，第一靚仔是另有其人。另一位同屆同學就大爆古天樂原來是排球健將：“我哋最鍾意一齊打排球，期間有位同學好似‘技安’，古生好保護我哋，我哋好鍾意殺波，古生會幫助我哋殺波。”

古天樂感激母校哉培，與學弟學妹打成一片，又爆料現時迦密中學校長是大他兩屆的師姐。他還語重心長向在座每位同學分享減壓心得：“有三樣嘢好重要，首先分數唔代表一切；第二，千祈唔好比較；第三，唔好轉牛角尖，遇到問題要同老師、同學講，講完仲有咩就搵我哋啦。”

每位到場嘉賓均有向同學分享減壓心得，呼籲同學要好好控制情緒，張繼聰指：“中學時鍾意打籃球，可以鍛練好球技，又有女同學望，亦會識到好朋友。”周家怡表示：“讀書時冇School Tour，就算有壓力都唔知點搞。出嚟做嘢多咗壓力，呢個世界個時鐘唔會停，但壓力總是會過，唔好去刻意諗。”而JW、小肥則指透過自己專長建立信心，遇到壓力及負面情緒，會向身邊人傾訴。