梁詠琪中秋要有儀式感

勵志電影《逆轉上半場》日前搞煞科宴，該片演員梁詠琪(GiGi)、陳湛文、朱栢康、梁雍婷、陳輝虹、凌文龍、陳獻略，以及一班來自各階層、熱愛足球的年輕小演員齊齊出席。

梁詠琪與梁雍婷，為出席煞科宴的小演員準備傳統燈籠慶中秋。GiGi說：“我哋拍完部戲，好開心可以再見番面，除咗煞科宴我哋可以預祝埋中秋節，可以食月餅。中秋節除咗趁機會食各式各樣月餅，仲會買竹紮燈籠畀個女玩，因為佢哋玩電燈籠多，見到傳統款式，我通常忍唔住會即刻買，好有儀式感去玩呢一晚中秋節。”

梁雍婷說：“我記得我哋細個時，會同屋企人一齊整燈籠，之前疫情都冇機會同屋企咁多人一齊食飯，有啲家人今年返咗嚟香港，所以期待再一大班人坐滿一圍食飯，真係好耐冇試過。”GiGi問梁雍婷有冇覺得相隔半個月，再見到戲中的小演員感覺他們又長大了，梁雍婷笑言：“我覺得佢哋皮膚白得好快，新陳代謝係勁，因為我哋每個演員拍完球場戲都曬黑咗，但係佢哋皮膚好快回復變白，但係我嘅膚色仲未回復番正常。”