林峯澳門騷為明年紅館熱身

日前林峯來澳門開騷，前晚他返港出席手錶活動。第二場邀請到佘詩曼做嘉賓並合唱，他笑說：“兄弟姊妹無理由唔撐，之前聚會時叫佢哋mark定期，嚟玩吓無壓力，（但阿佘稱好大壓力？）我識佢咁多年，唔知上台唱歌對佢嚟講衝擊咁大，平時都有同阿佘唱K， 但唱K同上台唱又唔同，加上阿佘好少做嘉賓，對佢比較新鮮。”被問給阿佘的歌喉多少分，林峯笑言：“超出一百分，有邊個上到台唔緊張？我都緊張。”

林峯指太太都有前往睇騷，都笑阿佘是他女朋友。至於女兒Luna因為要返學所以沒有捧場。問到女兒今個月四歲生日如何慶祝，他透露會同女兒慶祝，但要保持神秘。不少網民都期待“城寨四子”可在其澳門個唱上合唱，林峯大賣關子：“睇吓佢哋嚟唔嚟搞事啦！（老闆古天樂可會做嘉賓？）老闆好忙，留返明年紅館騷先。”他說今次澳門個唱為明年紅館個唱的熱身，因為是以一個紅館騷架構的八成去做，是濃縮版。他不諱言都驚無新意會悶，因演唱會不能只站着唱，希望令到觀眾睇到完整的騷。