汪明荃被老公嘲七年之癢

汪明荃（阿姐）前日在老公羅家英的陪同下出席記者會，宣佈將於十一月廿三、廿四日再度在紅館舉行《阿姐 · 汪明荃演唱會2024》演唱會。為了今次演唱會，阿姐特別邀請了林家謙作曲、黃偉文填詞創作了新歌《Make My Day》，會將該歌作為演唱會的結尾歌曲，傳遞出只要觀眾肯聽她就會唱到一百歲的意義。

阿姐透露，原計劃每隔五年開一次演唱會，但紅館檔期很難約，無奈相隔七年才再度開唱。阿姐今次演唱會都會邀請嘉賓，網民好想其經典拍檔鄭少秋能同台，但阿姐說：“難啲，佢一路都冇出現，之前我有同佢太太通過電話，佢話冇乜嘢，只係休息緊。其實我同秋官曾經有個約定，你做緊、我都會做緊，希望佢出返嚟啦！”

記者會上，阿姐細心地為羅家英整理衣領，兩人恩愛如昔。新歌首播時，羅家英亦被邀上台伴舞，他立即搞笑地以粵劇功架“Un”住跳，還幽默稱阿姐忍不住“七年之癢”要再開騷。今次演唱會都會跳舞演出，羅家英以即場演繹的粵劇風舞步上台伴舞，阿姐直言：“都收貨，到時睇佢，會畀佢上台，即興啦，不用排練！”