鋸琴藝術家隨行表演

李克勤澳門倫敦人下旬開騷

最近忙於參演《披荊斬棘》第四季節目的李克勤，他的《我們的交響樂世界巡迴演唱會》亦同步進行中，上周剛完成了上海站的演出。而下一站將於九月二十一日及二十二日在澳門倫敦人開騷，將與鋸琴藝術家為歌迷送驚喜，他笑言忙到連呼吸都沒時間。

克勤在剛完成的上海站巡演中，最難忘是歌迷不停拋公仔上台，“已經不是第一次，上兩站有歌迷想送我禮物，都是拋上台，我打開波所以身手反應都勁，一手就接住，可能歌迷覺得咁樣好好玩，所以今次上海站特別多，抛了幾十隻公仔上台。（當你係全紅嬋）唔係掛，係咪依家流行咁樣？可能歌迷心目中我仍未長大，或者想送給我兩個囝囝，哈哈，無論送甚麼給我都好，我都開心。其實唔只公仔，歌迷還送了個好靚嘅蛋糕，好有心思。”

是次上海演唱會，克勤於管樂之中，加了一位用鋸琴的老師，“佢都係一位藝術家，琴技非常精彩，九月中我的澳門站演出，兩場我都會帶埋鋸琴老師去，讓大家欣賞下佢精彩的技術，所以香港歌迷朋友，記得唔好錯過到澳門欣賞；而歌單都會有少少新改動，我估大家會滿意。”