難忘暴曬下拍踢波戲

陳湛文朱栢康相約齊揼骨

勵志喜感電影《逆轉上半場》，由梁詠琪(GiGi)、陳湛文、朱栢康、梁雍婷(Rachel)、陳輝虹、凌文龍及陳獻略，聯同一班來自各階層又熱愛足球的年輕小演員演出，經過炎夏暑假的拍攝，日前順利煞科開香檳慶祝。

日前，在一片歡笑聲中《逆轉上半場》煞科戲拍攝完成，梁詠琪分享她喜歡演搞笑喜劇，遇到有喜感的演員更加開心投契，GiGi說：“首次同陳湛文、朱栢康合作，有唔少對手戲，拍攝期間都撞出火花，好多場戲都係輕輕鬆鬆，大家一齊撞出爆笑、喜劇效果，有他倆在場一定好笑。”朱栢康笑言：“其實我好嚴肅！”GiGi笑指朱栢康嚴肅起來就好笑。陳湛文說：“GiGi前輩係好搞笑，其實我鍾意做悲劇，但不代表做得到。”

梁雍婷跟陳獻略今次飾演兩夫妻，二人戲中甚有默契，梁雍婷說：“難忘事係暴曬，但同時感謝天公造美，我哋有好多戶外拍攝天氣都好好。”陳獻略說：“最難忘係家中的一場食飯戲，因為我好耐冇同家人一齊食飯，可以跟Rachel演一家人一齊食飯，感覺很好。”

眾演員指今次在炎熱暴曬的高溫天氣下拍攝是最大挑戰，因為小朋友關係，要趁暑假完成所有拍攝，時間上很緊湊。湛文說：“因為我哋好多劇組人員連續三日都有人中暑，個太陽真係好冧。”GiGi解釋：“因為我哋主要在球場拍踢波戲，落場的小朋友曬住最辛苦，但佢哋休息時候仍然繼續踢波，我哋都曬燶咗。”GiGi指有天拍完一日戲曬足一整天，返到屋企覺得好疲累，雙腳又抽筋：“我掙扎當刻是要處理雙腿還是要瞓覺，最終選擇瞓覺先，我唔理抽筋都照瞓。”GiGi表示終於完成今次艱辛拍攝，會獎勵自己去按摩揼骨放鬆一下，朱栢康和陳湛文讚同要相約齊齊去揼骨。