峰心學院年考親改卷

梁釗峰生日反送大禮

今日是梁釗峰的正日生日，日前釗峰已與“峰心粉”（釗峰粉絲暱稱）提早共聚慶生。會場佈置以至遊戲都走校園風，以配合官方歌迷會“峰心學院”的主題。每位入場的“峰心粉”更獲贈精美的選手包，內含印有會員編號的號碼布和獎牌。

生日會上，釗峰在歡呼聲中出場，“峰心粉”送上生日蛋糕兼合唱生日歌。以跑步為題的蛋糕有運動造型的Cute版釗峰，以及他其中一次跑十公里的記錄，非常有心思。大合照後便到玩遊戲環節，歌迷會特別準備了“二○二三／二○二四年度峰心學院年終考試”，題目包括音樂題、喜好題等等以測試大家對偶像的了解，釗峰還擔任“教授”親自改卷。

釗峰準備了三份神秘大獎回禮，他非常緊張表示：“呢幾份大獎我都畀自己震撼到！”三位幸運兒分別讀出獎品，第一位說：“你唔需要沿途歷險，‘原圖’到手了”，“峰心粉”立即估中是釗峰的肌肉相。釗峰說：“有一年我Po咗九張相，其中一張係做Gym冇着上身嘅相，佢哋成日話放大都睇唔到，我就偏偏唔Send原圖出嚟。有句歌詞係‘你繼續沿途歷險，我繼續尋求幸福了’，佢哋‘原圖’歷險咗上年嘅時間，呢份獎品就係成張原圖送畀粉絲。”

第二份獎品是私約玩桌上遊戲，最後一份終極大獎更令全場陷入瘋狂，當第三位幸運兒讀出“我得到教授送我返屋企券一次”時，全場尖叫氣氛高漲，經理人補充說：“車入面係會有其他同事喺度”，場面爆笑。

生日會尾聲，釗峰逐一與“峰心粉”合照，跳跳紮的他透露前一晚天光才睡。他說：“忙緊舞台劇排練同埋新歌錄音，今次係同新監製合作，但同佢識咗好耐。差唔多凌晨三、四點先喺Studio走，朝早先瞓覺，但我好樂在其中。生日大家開心就得，我嘅口號係‘釗峰生日，大家開心’，大家開心最緊要。”