江若琳感恩老公陪度難關

江若琳(Elanne)日前接受薛家燕、范振鋒（阿范）和思敏主持的電台節目《開心大派對》訪問，阿范憶述當年江若琳離開舊公司後北上掘金的經歷，被家燕姐笑問：“點解掘完金有生煎包食？”因江若琳與老公蕭唯展(Oscar)是同期歌手，但Oscar入行兩年就轉行開生煎包食店。江若琳稱因當時二人都身在上海，同告單身，以朋友的形式相約食飯傾偈，但最初沒有想過會作進一步發展，純粹在彼此心底中欣賞對方。聽到家燕姐指是天賜良緣時，江若琳亦點頭認同，並感恩在低潮期遇到老公，攜手陪她度過難關。而十四個月大的兒子蕭立鈞(Owen)很聰明，更是在官司完結後出生。

談到Owen很喜歡聽歌，尤其是媽媽的歌聲，江若琳甜笑說：“我成日都唱歌畀佢聽，我就唱《太陽伯伯》，但我發現我老公唱歌，佢冇反應，可能佢把聲比較沉，我就跳晒舞咁，我個仔好開心，每次都聽到拍晒手，好似粉絲咁。”家燕姐笑說：“我好明白江若琳嘅感受，好似我個孫，我一唱《皆大歡喜》，佢就‘唏呀唏呀唏呀唏呀唏’，咁細個就已經識，真係好開心，第二日要同佢一齊唱一齊跳。”