作曲填詞編曲監製一腳踢

張天穎新歌《doot doot》講自愛

張天穎(Jaime)三月時推出跳唱歌曲《低調》，受到樂迷關注，相隔四個多月，Jaime推出自己作曲、填詞、編曲及監製的全新歌曲《doot doot》，請來好友Y.Siu合作編曲，是曲風Lofi、很chill，講自愛的一首歌。

Jaime去年底開始了一個名為“本故事不純屬虛構”的專案，而《doot doot》是專案首集的第一首歌。Jaime說：“首歌都作咗幾耐，但一直都冇詞，之前去台北旅行時，有幾日一個人周圍行，唔做嘢好唔自在，諗住作咗呢首詞，坐咗喺一間咖啡店度避雨，就完成咗呢份詞。”而《doot doot》這首歌，是Jaime第一次去做街訪，問路人畀幾粒音時得到的，“問路人畀幾粒音，再將佢延伸落去，當時好多人留言話想聽個完整版，而佢好似我的成長，我以前好驚行出街同陌生人講嘢，但呢個專案令我打破咗個關口。”

因為《doot doot》的詞是在台北完成，所以才特意安排到台北拍攝歌曲MV。講到難忘事，Jaime說一定是人生第一次租水車拍MV，“上次去台北因為落雨，所以去咗間咖啡店避雨，當時將呢個情景寫咗份歌詞，咁拍MV時，導演租咗架水車，拍我要避雨，所以拍嘅時候係濕住身大半日去拍。”Jaime指拍攝組的工作人員很好，每次見她濕透身，會立即拿毛巾不停為她抹身，令她很窩心。

因為MV拍攝得比較moody一點，為配合當中的情節，Jaime需要流眼淚。拍之前她一直擔心自己流不出眼淚，拍攝組亦為她準備定眼藥水，但結果卻令她很意外，唔使用支眼藥水都喊到。

另外，八月二十二日是Jaime的生日，歌迷會早前為她慶祝搞生日派對。近年Jaime因為工作忙少了與粉絲聚會，所以，特別抽了半日時間與他們見面，一齊玩遊戲、唱歌、簽名及合照，收到不少粉絲送的禮物。Jaime說：“佢哋好錫我，收到佢哋寫畀我嘅信最感動，我返屋企睇，睇到眼濕濕。”