李幸倪生日搞運動會

李幸倪(Gin Lee)的生日正日是八月廿六日，日前她與歌迷舉行生日會，二百歌迷踴躍參與，場面熱鬧。

生日會以“運動會”為主題，全由Gin構思，為了捉住奧運的尾巴：“延續奧運熱潮，同大家一齊做吓運動，健康啲，又可以同大家近距離接觸多啲，我覺得運動係好容易將人同人之間嘅距離拉近。”當日比賽項目包括踩單車、跳舞、射籃球、接氣球及空中飛索等，一眾歌迷積極參與。Gin亦有落場並挑戰跳舞及空中飛索兩個項目，其中“空中飛索”一項，需要坐在座位上沿着鋼索飛到盡頭，然後用腳撐牆回彈，不過Gin嘗試了多次卻未能成功回彈，更拋出網絡金句：“你個嘢壞咗呀。”引來全場大笑。當她再次挑戰，過程中她由頭尖叫到尾，成為“丹田吶喊界代表”。

切蛋糕前，Gin分享了這一年來成立歌迷會的點滴，並表示成立歌迷會，是想給歌迷最好的福利：“話咁快就一年，我記得上年嘅生日會，我宣佈會成立官方FanClub，於是我哋有咗‘GLFC’。呢一年來真係一啲都唔容易，冇你哋嘅支持係冇可能實現到咁多大大細細唔同嘅目標，所以好多謝你哋。”