衛詩雅緊跟未婚夫步伐

衛詩雅(Michelle)早前現身新城廣播《QK玉瑛室》，接受主持譚玉瑛（阿譚）、何基佑及麥皓兒訪問。阿譚透露早年應張敬軒邀請，到他家中出席聖誕派對，因而結識Michelle。她說：“當日好多人，多人到都唔知見到邊個，但Michelle嘅裝扮好靚，頂帽又大又靚，吸引咗我望住佢，跟住就走埋去認識佢。”

Michelle指當時既驚且喜，沒想過由細睇到大的譚玉瑛姐姐，會主動跟她聊天，她說：“阿譚同我想像中唔同，以為佢會唔講嘢、好嚴肅，但佢好nice，主動同我傾偈。”阿譚隨即爆料：“當時Michelle男朋友都喺隔籬，仲好靚仔。”剛接受醫生男友周祉安求婚的Michelle就尷尬澄清：“唔係嗰個，宜家我未婚夫仲靚仔，好驚，哈哈！”

另外，Michelle十分好學，多年來考獲導遊、救生員、鑽石鑑證及船牌等。由於未婚夫做醫美行業，她透露十月又會考美容及化妝品等美學應用，她說：“我未婚夫啲皮膚好好，又成日研究啲化粧品，我想跟到佢嘅步伐。”