陶大宇直播帶貨學問多

陶大宇昨日到觀塘出席帶貨活動，支持朋友之餘，亦希望大家支持香港貨品。陶大宇之前也做過帶貨，他笑言仲難過演戲：“開Live有好多學問，又要對產品有認識，好多時客人買嘢純粹係信任個主播，同埋要好小心，否則有顧客投訴，連飯碗都冇埋。”他謂平日都愛網購，主要買衣服及實體物件。

至於會否再拍劇集，大宇表示隨緣，問到無線可有找他回巢拍劇，他坦白說：“無搵我，對方都唔知有咩角色畀我做，階段唔同咗，之前都演過咁多劇，有咩新鮮感呢？人哋比機會我都會考慮，而家係會差咗少少，始終年紀又大咗，唔同以前，人哋諗會好啲，我冇乜所謂，我講feel嘅，啱做嘅我馬上應承，唔啱嘅都會推。”

大宇表示近日都是忙於為電影《紮職3》宣傳，稍後還要出席首映禮，月中又要返內地宣傳，他謂現時流行謝票，如有需要他願意出一分力。他說：“我係電影稀客，多謝導演大膽起用我，第一、二集反應咁好，我第三集至加入都有壓力，尤其對住鄭浩南，不過有人睇完話我演得好都好開心。”