郭富城教女兒歌曲小動作

TVB娛樂新聞台節目《Star Talk》主播許文軒(Edmond)，日前專訪郭富城(Aaron)，大談即將舉行紅館演唱會感受。Aaron說：“八年前開過紅館演唱會，做完之後，其實覺得都要隔一段時間先再做，最低限度四年。中間一直都係電影產量比較多，估唔到四年又四年，要隔八年先再做，原來八年都係一個幾長嘅時間！（係咪餓咗好耐？）餓？直頭饑荒，因為每次喺紅館做演唱會都會推到個人去到最高，好期待今次企喺紅館上，可以推到自己幾高！”

談到如何為個唱準備，他說：“今次差唔多全部舞蹈都係新，自己都好期待！喺我嘅團隊當中，有好多舞蹈員跟咗我好耐，有啲結埋婚，但係依然對跳舞有熱誠。今次加咗啲新嘅舞蹈員，可以新舊融合，大家一齊交流，而且今次又有美國嘅排舞師嚟幫手，協助同提升佢哋嘅舞蹈同技術。（培育女兒跳舞？）佢已經有我嘅因子，自動波！佢哋兩三歲嘅時候已經上芭蕾舞堂，亦有學唱歌！不過我會畀佢哋自由發展，我唔係一個專制嘅爸爸，佢哋鍾意就比佢哋試。同埋我已經教定佢《想見便遇見》呢首歌嘅小動作。”