周星馳重錢輕友

王晶與周星馳，早期最佳拍檔、好朋友！出現第一道裂縫，牽涉《少年李小龍》……。王晶的概念，講李小龍回流香港前的故事，周星馳又是小龍迷。嘉禾公司OK！八百萬元開拍……。未起腳，已打散了這段友誼……。

王晶提出分賬，“你六我四。”周星馳兩度改變主意，要求七成，最後要分八成。王晶問：“如果不是二八分，你就唔做呢？”“係！”周星馳答得堅決。王晶嘻嘻一笑：“好，我想就你一次，下不為例，呢部戲當我送嘅。”《少年李小龍》開拍了，嘉禾通知：“不拍了……。”卻原來，周星馳私自向嘉禾提出，不想拍《少年李小龍》；提議將這八百萬元投資他開另一部戲，《武狀元蘇乞兒》。

“周星馳似乎看重金錢多於交情。”王晶網台直言不諱——他曾與吳孟達在天津做傳呼機生意，蝕咗。佢有啲怪吳孟達，照我所知，因此，佢對吳孟達都冇咁好。可能佢覺得，普通朋友還普通朋友，講到錢……冇朋友做都冇所謂。

擔任副主持的王子涵，問父親王晶：“有否想過，跟周星馳撇開利益關係 ，繼續做朋友？”“冇必要啦，我有咁多朋友，繼續做個普通朋友。”君子絕交，不出惡言，如果惡言就是“眞言”呢？王晶口中，周星馳重財輕友，因為，他恃才傲人傲朋友……。冇咗邊個在身邊都冇所謂——

《唐伯虎點秋香》，王晶沒有檔期，陳嘉上亦不想與星爺合作，最後李力持做《唐伯虎點秋香》導演。“李力持導，即係周星馳導！”王晶咬實一句：《唐伯虎點秋香》才是周星馳第一次做導演。

與周星馳決裂，不全是“重錢輕友”！重點是他的“神氣”，自以為神，視他人不是人，頣指氣使，竟視張家輝如無物；這可是後來的三地影帝！

王晶直言，《千王之王二〇〇〇》拍攝之際，與周星馳正式決裂之時。張家輝轉型新一代喜劇演員，與周星馳合作，可能有好效果。有日，劉偉強替王晶拍一日戲，“當日唔合作到大家想打交，眞正產生裂痕，朋友變咗唔係朋友！”一千萬片酬拍七日……。王晶眼裏——演員之間講交流，我做戲出來，你要畀戲給我，不料，周星馳各有各做，張家輝越做越無癮，全力交戲，零回應，想打架咁滯。（王晶解剖星爺 · 三之一）

高 梁