岑寧兒分享《追光者》背後故事

岑寧兒(YoYo)前晚在鄭秀文演唱會第十二場擔任表演嘉賓，甫出場Sammi跟她擁抱，主動拖住她的手合唱YoYo作品《追光者》。之後Sammi對她說：“我終於可以講‘我細細個聽你啲歌大’。（點解？）你細細個唱《三人行》，哈哈，我終於可以講呢句啦！”

Sammi說：“我今次邀請嘅嘉賓每位都各有特質，岑寧兒係好出色嘅歌手，同埋佢把聲，一開口就融化我，我好鍾意佢嘅歌聲。你喺紅館開過演唱會未呀？”

YoYo表示沒有，只有擔任過和音。她說：“我要多謝你，我從未喺香港唱過《追光者》，多謝你幫我衝過心理關口。”她解釋當年這歌大受歡迎，令她得到很多表演機會，但同時令她懷疑如果不唱這歌就沒有表演機會，她說：“我曾經唔信邪，喺音樂節表演十首歌，將《追光者》放在第五首表演，結果一唱完觀眾就紛紛離場，令我自信動搖。我心裏面有一個地方，我就算唔唱呢首歌都可以繼續表演，我希望呢個地方係香港，所以我一直冇喺香港唱過。今晚好多謝Sammi幫我衝破咗呢個心理關口。”有觀眾大叫“加油”，最後YoYo選唱了Sammi《快樂不快樂》，全場掌聲，她向觀眾飛吻致謝。