機場癱瘓歌迷排除萬難到場

張敬軒美加巡演開唱

“The Prime Classics HINS CHEUNG LIVE張敬軒演唱會”美加巡迴演唱會日前正式展開，首站於美國拉斯維加斯舉行，這亦是繼去年倫敦及澳門後，第十八場巡迴演出。

美加巡迴演唱會首站場地位於拉斯維加斯Caesars Palace的The Colosseum，國際級歌手Celin Dion及Adele等也曾在這演出。據知，場地已多年未有邀請華人歌手到場演出，難怪軒仔表示既榮幸又興奮：“今晚可以企喺呢個舞台上面，好開心，我仲用Adele嘅化妝間同埋坐佢張櫈！”

雖然相距一年張敬軒再於拉斯維加斯開show，碰上日前微軟死機，令各地機場大癱瘓，但各地歌迷依然排除萬難到場觀看。軒仔十分感謝：“多謝大家不遠千里、萬里嚟到拉斯維加斯睇我嘅演出，知道增加咗佢哋嚟嘅難度，有啲要飛廿幾個鐘、有啲飛咗去某個地方，然後要坐十個鐘車來到，各適其適以唔同嘅方法抵達演唱會場地，好彩大家都可以齊齊整整嚟到。”

當晚演唱會歌單除了新歌《青春告別式》，亦有不少軒仔的代表作，如《櫻花樹下》、《笑忘書》、《餘震》等，都變成“大合唱環節”。

演唱會亦有落台握手環節，不過落台前，軒仔語重深長地讓歌迷要冷靜一點，原來因為去年新加坡站的“陰影”，更笑說大家不用錫住他，最緊要錫住支咪：“上次我哋喺新加坡，因為大家太熱情已經撞跌我支咪，我支咪特登send去德國整，整咗我兩隻勞力士嘅價錢，所以希望陣間大家唔錫住我唔緊要，一定要錫住我支咪，知唔知？哈哈。我好易搞嘅啫，但係我支咪難搞。”歌迷亦十分聽話，最後軒仔人咪安全返回台上。