冼靖峰新歌揭清澀單戀

日前，冼靖峰(Archie)到新城接受譚玉瑛（阿譚）、何基佑、黃筠兒主持的《QK玉瑛室》訪問。近日推出新歌《無意冒犯》的Archie，透露新歌是自己十八歲時的親身經歷，“嗰時我鍾意咗一個女仔，用咗一年時間去追佢，我哋每日都會互傳短訊，好似拍拖咁，但最尾我都冇開口，因為我覺得跨越咗條線之後，會連朋友都冇得做。” 何基佑聞言取笑Archie：“咁你咪白白服咗一年兵役？”阿譚謂：“咁又唔算，佢都冇serve人。”

Archie再爆料，指自己因愛慕該女生，所以曾投其所好，對方的嗜好亦成為他的嗜好，“而且佢讀書好叻，我都要叻，要追趕佢步伐；之後我入大學撞番佢，有問佢知唔知我當年追佢，佢話‘知，我等緊你開口咋＇，不過問完後冇再聯絡。”入行差不多三年的Archie在圈中發展順利，他展望將來希望做到唱而優則演，“其實呢幾年我都試咗好多嘢，有唱歌、拍劇、主持同加入男團，多謝公司畀咁多機會我。”