備戰下月廣州個唱

鍾嘉欣全面回歸復出

鍾嘉欣昨天到尖沙咀出席活動，她表示剛完成近一個月的歐洲家庭旅行，終於有機會獨自返港工作，並準備八月廣州開演唱會。她亦宣佈婚後休息至今，決定全面復出。

她指今次歐洲之旅能夠集合整個夫家家庭出行，要感謝老爺八十歲大壽，奶奶準備整年完成老爺的願望。她說：“其實旅行日日湊仔都幾辛苦，係另一個學問，又搭飛機又坐郵輪，我同老公好似做‘阿四’咁，返到屋企謝曬！”今次獨自返港當休息，旅行時不但吃到不敢磅重，連腳趾和手臂都曬燶。她說：“我應該要鍛練身體準備演唱會，但旅行時又唔好意思獨自走去練歌，鍛練進度係慢咗啲，宜家要畀心機。”她表示子女不會到廣州看演唱會，怕小朋友有時差。她說：“子女寫咗張卡畀我，叫我加油，我都應承佢哋呢個復出第一個騷，會做到最好，到下次佢哋嚟睇騷，覺得媽咪勁爆全場。”

鍾嘉欣笑稱之前發佈騷腹肌照片，其實只是陰影。可有機會在演唱會騷腹肌？她說：“呢個係我其中一個夢想，可能下年大家會見到我變咗運動員身形，其實有機會，因為我細個自自然然有腹肌，下次先啦！”

她表示現在不單只着眼下月廣州演唱會，想得更長遠，有信心下次能夠返香港、上海或美國開騷。“雖然未計劃，但幻想先會變真實，我由結婚開始有啲傷心，傷心唔係因為結婚，而是突然間消失咗，作為粉絲們嘅偶像，覺得自己有責任，我突然間走咗，覺得佢哋會唔開心，所以我要上返台，做好佢，大家一齊回憶。”鍾嘉欣所有工作都將全面回歸，除唱歌外，還包括主持、舞台劇、電影，甚至演打女或奸角。