魏浚笙等女友開口求婚

昨日，魏浚笙(Jeffrey)亮相尖沙咀出席品牌限定店開幕活動，獲大批粉絲到場支持。Jeffrey早前去了英國拍新歌《老積》MV，他初時以為到步後食完飯可休息，豈料食完做了一小時運動後就出發，拍攝到晚上十點幾，翌日凌晨三點又開工，拍到夜晚三點，第三日再開凌晨五點，拍足廿四小時。（得罪經理人？）唔係，但好感謝經理人同團隊，大家一齊辛苦，我都有問過攝影師攰唔攰，希望佢下次仲會接我啲工作。”

MV中有不少動物，包括綿羊和松鼠，Jeffrey笑謂學過動物傳心，牠們都很開心能一起拍，自己都給松鼠堅果當酬勞。他又稱都想養狗，但覺得很大責任，所以要考慮清楚再決定。說到拍MV地點景色很美，他可有趁機與經理人兼女友拍Per wedding？他笑言沒有：“因女友未向我求婚，（想如何被求婚？）邊度求都可以，佢開聲一定答應，女方求婚都係另一種浪漫。”是否廁所求婚都可以？他說：“客廳啦，屋企面積唔大，客廳寬敞啲。”