連詩雅誕女報平安

前日，連詩雅(Shiga)與老公陳家樂的女兒Camila出生，母女平安，小公主重五點九磅，初為人父的家樂剪完臍帶既興奮又感動，抱着Camila 爆喊。寵妻的家樂連日向公司請假，要陪住太太入產房、親手剪臍帶，見證小公主誕生。看到囡囡眼仔碌碌，腳撐撐，心情更是久久不能平復，他激動說：“BB啱啱出咗世，好開心！出嚟已經非常之活潑，喺度到郁手郁腳，佢哋話隻眼似媽媽，個鼻同口似我，但我唔係好分到，宜家仲有啲緊張有啲頭痛，頭先都幫BB剪咗臍帶，個經歷係好特別，好煙韌……我唔識講呀。”

初為人母的Shiga同樣緊張，未正式推入產房時，上身已經緊張到不停震，最後需要打了很少量鎮靜劑平復心情。她說：“之前真係好緊張，上身不自主在震，但到生嘅時候又發現冇想像中痛，囡囡又好乖好快就出嚟，見到囡囡出世一刻，好興奮、好感動，咩痛都唔記得晒！更神奇係囡囡喊嘅時候，只要抱佢在自己身邊，佢自自然唔再喊！”剛生完的她說感覺是有點疲累，但為了囡囡健康，已嘗試餵人奶。她說看到囡囡嘴郁郁手撐撐，所有痛、辛苦都變得值得，完全感受母愛偉大。