樂小姐認合約太辣

香港小姐競逐進入高潮，及時處理三個“問題佳麗”，並宣佈五位大熱門。整軍經武，出埠拍外景去也。無線對兩約在身的郭恩程，一卙再卙，“解決唔到”。

“問過佢，有冇同第三方有合約……”藝員總監樂小姐，回應帶約參賽的郭恩程：“可能小朋友當年都唔知自己簽咗啲乜，後來，返去查核，發現原來有約在身，我哋（TVB）要求佢自己去解決，但，佢過咗限期都解決唔到，我哋唔會追究佢……。”本欄竊以為，這位有問題未解決的佳麗，恐怕“空多吉少”了。吃了別家茶禮，怎會留在隊伍裏，你話呢。

第二位“問題佳麗”，傳說是參賽者陳元元，來自內地，之前，被發現在內地張貼海報，投票送海鮮，疑涉賄選之嫌？樂小姐指，可能對方都不知道這個行為有問題。而，對方本身都不夠分數入圍，所以，沒有影響……。

還有，高調退選的參賽者林瀾，自爆獲TVB高層挽留？樂小姐説：“覺得佢幾靚。我哋公司同事有打畀佢……我亦同佢傾咗幾句，叫佢考慮清楚，參賽與否，將會是兩個唔同人生。叫佢同家人商量再作決定，都有鼓勵佢。”談到今年不少參賽佳麗，將面試或合約內容放上社交平台。之後，會否作出限制？“世界不同了！”樂小姐不諱言：“很多年前，已有佳麗向傳媒發放內幕，這些人是為增加流量。但，無論佳麗或藝人，都希望他們能發放多些正能量。”

早於第二次面試時，引發退選潮，指港姐合約太辣。“合約係嚴格！”樂小姐直認——“港姐合約，這麼多年來都是如此，係嚴格！我哋放咗咁多資源落去，都係想選一個有心為香港出力的佳麗，能夠做香港大使。至於港姐合約，我哋再三跟法律部硏究過，覺得沒問題。”

稍後，會否再淘汰佳麗？“應該會”，製作部高級經理，何小慧表示：“要視乎佳麗外景集訓表現而定。”

“誰是入圍者”最高票數五名佳麗：陳甜甜、梁嘉瑩、李曼思、倪樂琳、吳芷靖。

總經理曾志偉揭曉今年五個外景拍攝地點：內蒙古、塞班、新加坡、菲律賓碧瑤、香港。介紹各地名勝，體驗各地女性文化特色，並作親善交流。

高梁