許靖韻奪洪卓立第一次

日前，許靖韻(Angela)在肇慶舉行《THIS CHAPTER 2024許靖韻這一章巡迴音樂會》，適逢在畢業季舉行，Angela送上《我們的記念冊》一曲給現場剛畢業的同學仔，又分享自己剛畢業踏入職場的感受，為同學們打氣加油。當晚，Angela請來同門師兄洪卓立(Ken)擔任表演嘉賓，Angela打趣稱奪走了Ken的第一次。談到初認識時的對話點滴時，Angela再直指二人互串比合作多。二人合唱《在加納共和國離婚》後，Ken大爆自己是首次當音樂會嘉賓：“就算自己公司藝人，都係第一次。我哋識咗十幾年，好少喺台上合作唱歌。”

Angela坦言一入公司便認識Ken，在很多活動上都見到，二人互串的時候的比合作更多：“嗰陣時我啱啱入公司，又會成日喺活動撞到，我係100% E型人，我會成日撩100% I型人嘅Ken講嘢，講到佢覺得我好煩，成日叫我收聲，哈哈。我哋嘅友誼就係咁而建立起上嚟。”引來全場大笑。隨後，向來感性的Ken在獨唱《回到最愛的那天》時，被歌曲感動落淚。