林家謙鄭秀文紅館拆盲盒

林家謙前晚擔任鄭秀文(Sammi)演唱會第二場的表演嘉賓，Sammi以“白色小飛鳥”造型歡迎林家謙出場，兩人手拖手邊走邊唱《親密關係》。

家謙送Sammi一個Inside Out盲盒，Sammi開心說：“多謝，我最近首歌叫《盲盒》呀！”家謙說：“我覺得啱你首歌，同埋盲盒呢個意思好好，我哋每一日瞓醒都好似抽盲盒，因為遇到嘅

情、情緒都預計唔到，無論抽阿樂、阿怒、阿尷都好，希望你好好擁抱每種‘腦朋友’。每種情緒都可以令我哋感覺到自己嘅存在，然後好好咁過每一日。”

家謙本來請Sammi返後台拆盲盒後告訴他抽到甚麼，Sammi卻爽快即拆，還搞笑地將包裝紙丟到地上，家謙連忙執起，全場大笑。結果Sammi抽到紅色“阿燥”，家謙笑說：“啱晒你啦，你頭先咁樣！”然後學她丟垃圾紙到地上。Sammi即刻變乖：“好，我收斂，好好控制自己嘅情緒。”家謙說：“收埋佢，唔好爆出嚟！”還吩咐她帶埋包裝紙返後台。之後家謙演唱Sammi經典金曲《衝動點唱》，還改了一句歌詞變成“原來是我衝動翻唱”，全場歡呼。