盧瀚霆睇生日家書感動落淚

盧瀚霆(Anson)七月七日出席歌迷會生日派對，現身會場時全場尖叫，他逐一向粉絲答謝：“我覺得今日唔似粉絲聚會，因為要步入會場，搞到好似婚禮。”一眾神徒為了他的生日，連續三年的這一日全港市民免費乘搭天星小輪，尖沙咀碼頭亦變成教主碼頭，多個大型廣告供神徒打卡！

除了世界各地神徒拍片向教主賀壽，Anson父母及家姐亦親手寫“家書”，當家姐提及兒時往事時，搞到教主眼濕濕：“點解我咁感動，因為成件事好有愛，因為家姐係一個內斂嘅人，佢好少咁講呢啲事，我睇完諗返起以前細個嘅時候，同佢打打鬧鬧嘅回憶，我記得家姐細個好怕鬼，要捉埋我去壯膽。早排同家人食飯都交代健康，家姐佢喊咗成晚但又唔知可以做咩，真係好錫我。”

聚會期間他與神徒玩遊戲，被問及如何“稱呼”另一半時，台下神徒大叫“BB豬”，寵粉的Anson即席向神徒示愛：“BB豬！”他即場與神徒全場大合唱《不可愛教主》，而見到生日蛋糕有“My Life”造型翅膀，他表現得非常興奮，笑言想帶回家中。生日會尾聲，Anson逐一向神徒派“手幅”，歌迷近距離向偶像送上生日祝福。