Twins嘆內地登台多規限

昨日，Twins飛抵重慶準備晚上的巡迴演唱。阿嬌說：“我們內地好像預計有十四場，唱到十 月底左右，之後十一月就去美加，十二月就倫敦，星馬 、澳州等等地方，所以接下來，每個星期都不在香港。”阿Sa則說：“我最期待倫敦站啦，因為第一次做，而且接近聖誕，我打算倫敦演出完之後就放假，過埋聖誕才返香港。”上次香港演唱會，Twins叫歌迷扮他們過去的不同形象進場，今次阿Sa說沒特別叫歌迷扮嘢入場，不過睇到小紅書， 見到好多歌迷都原來有扮。

阿Sa說，尤其杭州見到一個小姐姐扮她們造型非常可愛：“我都想好似香港咁開心，可以送禮物頒獎畀大家。但內地場館好多不同規限，每個場都有不同，加上我們繼續四面台，原來都離開觀眾有一個距離，手都握唔到。最初那幾場，單為了製作上可以做到同香港一樣，舞台建撘上都要改來改去，所以好難好似香港玩頒獎。希望歌迷朋友，假如有好勁裝扮，就upload 上網tag返我們，等我們可以睇到大家扮到幾可愛，留言我們都會睇㗎！”