辛拿艾卡拉斯齊過關

【本報消息】溫網男單，新舊一哥齊過關。辛拿第三圈鬥塞爾維亞基文洛域，辛拿輕鬆直落贏三盤晉級。艾卡拉斯則贏得驚險，盤數三比二反勝美國新星泰亞科爾晉級。

辛拿上輪在意大利內訌中贏波，第三圈鬥基文洛域贏得輕鬆，第二局破發後首盤先贏六比一。基文洛域在第二盤表現有提升，辛拿戰至第九局靠“刁時”破發，再贏六比四。連贏兩盤的辛拿在第三盤乘勝追擊，最後贏多盤六比二，盤數三比○過關。艾卡拉斯鬥泰亞科爾贏得艱辛，首盤先輸五比七，三盤過後泰亞科爾領先盤數二比一。沒有退路的艾卡拉斯，第四盤“搶七”贏細分七比二，決勝盤贏六比二，盤數三比二反勝泰亞科爾。

拉度簡露回勇晉級

女單賽事，東道主拉度簡露出戰溫網表現回勇，面對希臘一姐莎卡莉，拉度簡露連贏兩盤六比二、六比三，盤數二比○晉級十六強。美國嘉奧芙面對東道主球手卡圖冇面畀，第二盤讓卡圖吞下六隻光蛋，嘉奧芙連贏六比四、六比○闖入十六強。