Tyson已訂婚期唔急造人

“The Nextwave沙灘音樂節一連兩日在香港舉行，Rover樂隊、P1X3L、Lolly Talk、Rubber Band、周殷廷及Tyson Yoshi等齊齊參與演出。

剛宣佈求婚成功的Tyson Yoshi一如預期被要求除衫，不過他就不太滿意自己的身材，叫攝影師影近鏡檢查：“因為依家嘅體脂唔係最滿意，但今晚實在太熱，所以死就死啦！其實每年有個固定時間操練，亦有餐單配合，但隔有一段時間就會休息，等自己身體放鬆。（係咪求婚後幸福肥？）啱啱同女朋友一齊嗰陣時就係肥仔，但唔知點解踏上咗呢條除衫嘅單程路之後，就成日睇住自己個身形，朝早起身即刻照鏡，然後上磅，已經有少少職業病。”

Tyson表示婚禮的日子終於落實，而婚禮的兄弟團就要開個報名表畀好友報名：“婚禮會明年舉行，因為未婚妻催促要快啲搞，所以已確定日子亦落埋訂金。不過明年有計劃開演唱會，希望完成演唱會再辦婚禮。（已計劃造人大計？）造人就多等一兩年先，因為啱啱買咗架兩座位跑車，唔想揸七人車。”