嘉華兩蛋贈澳大

【本報消息】本地甲組足球聯賽，昨晚七時於氹仔運動場上演兩場護級組比賽。嘉華迎戰澳門大學，費基里度、高美斯各建一功，嘉華二比○擊敗澳大。士砵亭有謝薩斯梅開二度，四比一贏加義搶今季首勝。

嘉華開賽後搶得主動，雖然具威脅的埋門攻勢不多，但上半場廿七分鐘，費基里度邊路神來之筆，一記似傳非射笠死澳大，半場領先一比○。兩隊換邊後陷入混戰，澳大今仗發揮麻麻，前場未能組織有效攻勢。七十九分鐘，復出的高美斯為嘉華鎖定勝局贏二比○。

士砵亭搶今季首勝

另一場榜尾大戰，魏子焜開波五分鐘為加義迅速領先。不過士砵亭半場前有法迪、謝薩斯建功反超。謝薩斯換邊後梅開二度，隊長胡柏威尾段埋齋，士砵亭四比一大勝加義，搶今季首勝兼取代對方升上尾二。加義剩四輪落後蒙地卡羅十二分，下場失分即降班。

甲足今日下午六時續演，爭標組榜首賓菲加尾場鬥恆勢。賓菲加人腳實力佔優，上輪殺退澳科鄒北記後更見強勢，有望順利贏三分繼續鞏固榜首。澳科鄒北記迎戰BARBIE聯樂，澳科今輪有主力復出，“夫添”出戰可望把握機會重返勝軌。