二度音樂上合作

陳慧琳大讚盧瀚霆歌藝

盧瀚霆(Anson Lo)去年在個唱中邀請了陳慧琳(Kelly)擔任表演嘉賓，引來十分大迴響。最近Anson Lo再次邀請Kelly灌錄《深閨feat. KELLY CHEN陳慧琳》，來一次正式合作。向來做事認真的Kelly為了這次合作，在錄音前狂Loop Anson Lo的《深閨》，練熟旋律才開始錄音，表現出十分專業的精神。

Anson Lo今次找來Kelly再度合作，他開心地表示：“上次同Kelly合作係喺舞台上，邀請佢做表演嘉賓，今次係Official合作，邀請佢Featuring我首歌。一直好欣賞同敬佩Kelly，跳唱皆能，係香港一個Icon，能夠邀請到佢合唱，我覺得係好勁嘅事。”

近年亦有與不同歌手合作的Kelly表示：“我都想同新生代歌手合作， 之前係Sing Sing Rabbit，另外亦宣佈咗我同AGA合作，但就要等到我完咗巡唱先可以進行。有日忽然間收到Anson嘅邀請，想搵我合唱，而且可以幾個鐘就搞掂，幾好，Why Not？同埋之前合作好愉快，不過冇諗過同佢合作係唱慢歌。我諗住一定係快歌啦！但咁都好，我為咗呢個合唱版，起碼聽咗一百次《深閨》，啲View數有一半係我㗎！”Kelly又謂聽着Anson Lo的演繹，感受到他唱慢歌的深情度又提高了，感情拿捏得非常好，令到《深閨》好好聽。

原來Kelly對上一次與男歌手合作錄歌，已經係十年前與梁家輝及鄭伊健合作為電影《盜馬記》錄主題曲《不如今晚》，她坦言：“因為每個人都有唔同Character，所以每次感受都會有唔同，但上一次配合電影的喜劇劇種，所以演繹上都比較生鬼，今次合唱版係好有意思，畀我嘅感覺唔同，所以唱法亦唔同。”至於Anson Lo，則指每次跟前輩合作都會有壓力：“Kelly又唱得，錄音又快，而新版本不論歌詞Melody都唔一樣，我同Kelly係以Harmony形式對唱，所以我嘅Range要再高啲，係一個挑戰。”

經過今次再度合作，二人都感到意猶未盡，期盼日後再度合唱。