《芷珊約您》尾集多彩蛋

蔡一傑：我道門一直都打開

前晚，黎芷珊主持的《芷珊約您》播出最後一集，送上連串彩蛋。蔡一傑的感情世界最惹人關心，芷珊指他多年來像獨行俠，傑仔反擊：“你都係呀！”引得全場大笑。傑仔之後大方分享做獨行俠的好處：“我可以唔使同人交代，去旅行咪去旅行，有人（伴侶）嗰時當然都有 Sweet Sweet嘅時候，你拍拖頭三個月梗係Sweet口架，第四個月梗係嘈交口架啦，有邊對情侶唔係咁吖？”

傑仔認為，上天已經對他不薄：“個天已經畀咗好多天賦我，十隻手指有長短，佢有一樣嘢唔畀你，有咩所謂啫。”他笑言欣然接受愛情來臨：“我道門一直都打開，係冇人入嚟之嘛！”在美國開巡唱的張敬軒原來還有“尋人記”番外篇。軒仔在當地重遇了多年沒見的恩人，他憶述事發經過：“嗰晚係好奇怪嘅一晚，以往開騷啲粉絲都係嚟自五湖四海，突然聽到把好熟悉嘅聲音，我再望吓佢個樣，佢亦都有望住我。因為當時好多粉絲，我一路簽住名但我個身係一路滾（因激動而體溫上升），因為佢係我中學同學，我哋畢業之後再冇見過。”

他直言這位中學同學是他的天使：“佢係我恩人，呢個女孩子好似天使咁存在，冇脾氣啦，又成日幫我補習，如果我冇佢唔會畢到業。到我簽完晒名，我知道同佢（相認）嗰吓係歷史性 Moment，我當時徹底崩潰，當住現場咁多位粉絲面前喪喊。”

芷珊又帶大家直擊千嬅上海站演唱會後台重地，千嬅還分享了後台極速換衫的趣事，一條望落普通的貼身褲，千嬅卻着了成一分鐘。她笑說：“因為我成身都係汗，啜住晒拉唔到上嚟，每次都要用半支爽身粉吸乾啲水份先。”千嬅在上海站演唱會唱完最後一首歌後，便急急落台拖着芷珊離開，千嬅解釋：“其實係為咗安全問題，因為場館好大、好多觀眾要離開，要確保藝人離開咗場館先。”回到酒店後，好友任賢齊神秘現身為千嬅送驚喜，見到小齊後千嬅嚇到尖叫，回過神後即與對方抱抱。