鍾嘉欣無暇約舊愛伍允龍

昨日，自加國回港一周多的鍾嘉欣，亮相其代言的美容產品續約儀式。其前度伍允龍笑指獲鍾嘉欣支持，但短訊只留言“做得好”，嘉欣笑說：“只要我見到覺得好嘅嘢，就會傳短訊畀佢，大家仍係朋友，聖誕節、生日都送祝福。（唔怕老公呷醋？）唔會，我老公好有自信，而且我哋好專一。（有沒有約伍允龍食飯慶祝？）又唔需要，我返港呢一個星期好忙，拍咗廣告，去廣州做宣傳，為八月十號廣州演唱會開會，為新歌錄音，真係冇時間。”她說逾十年沒有開演唱會，心情緊張又興奮，現正努力編排歌單。

日前她在社交平台上載《九龍城寨之圍城》戲票，是捧舊愛伍允龍場還是緋聞舊愛林峯場？她笑說：“我捧晒所有演員場，呢部戲有好多好演員演出，配搭非常好，我睇完嘩！嘩！嘩！叫出來，點解咁好睇㗎！劇本寫得很細膩，包含兄弟情、親情、九龍城寨歷史，Philip（伍允龍）、阿峯演得好好。（記者說伍允龍演王九獲認同是好戲之人）太好啦，每個演員一直都係好好嘅，Philip等到呢個角色，戥佢高興，佢嘅價值一直都喺度，只係等待角色，佢長髮造型很好，角色好適合佢演，以佢為榮。”