姚子羚親解單身之謎

《香港婚後事》昨晚播出第九集，嘉賓是姚子羚(Elaine)。作為單身貴族的Elaine，坦言對愛情仍然有憧憬，但不會強求，她說：“唔係要搵一個人結婚，而係要遇到一個適合你嘅人。我依家唔係去求職，對我嚟講婚姻係一生一世嘅事。”

主持人問她曾否遇過想結婚的對象，Elaine坦言：“有，但依家回頭望返，嗰個人並唔係可以同我行落去嘅人，可能我最終都會離婚。當你唔開心、迷惘嘅時候，往往呢啲人走出嚟嘅時候，通常都係錯嘅，因為你喺最迷失嘅時候，只要有個人行埋嚟，你就會覺得佢好好。經歷咗呢啲事，你就realize啱就係啱，唔啱就係唔啱。”

講到“姊弟戀”和異地戀等話題時，Elaine自爆讀書時試過異地戀：“嗰時喺澳洲讀書，男朋友係馬來西亞人，讀完書之後我返咗香港，佢就返咗馬來西亞，最終就分開咗。（能否接受與廿多歲的小鮮肉拍拖？）廿幾歲，正吖！”之後她再正經地說：“我諗未必得，雖然我Keep得幾好，望落去都似廿幾歲。（相差幾歲可接受？）五年之內都OK。”